Bono! Pa rematar esti cursu, nel cole fízose un proyeutu alrodiu de los Xuegos Olímpicos.
Dende la clas d’Asturianu participamos nel mesmu con esta presentación sobre Yago Lamela (semeyes de www.mundodeportivo.com, y www.elmundo.es ):
En viéndola, ficimos esti xuegu tan prestosu:
Asina, que cuando nos tocaron les pruebes de Saltu de Llonxitú, fuimos un poco Yago Lamela (bono, intentámoslo!!)
Axallá vos presten estes xeres!!
Qué tal xentiquina?
Pues pa dir rematando esti cursu tan llargu vamos facer un pequeñu trabayu alrodiu’l conceyu nel que vivimos y nel que s’asitia´l nuesu cole.
Pa entamar vamos dir viendo una presentación con información sacada de l’antigua web de turismu de Xixón que taba n’asturianu, déxo-vos equí l’enllaz a la web.
La presentación ye la siguiente: equí la tenéis.
De mientres van viendo la presentación, vamos dir faciendo los siguientes trípticos dependiendo del nivel nel que tea’l nuesu escolináu, asina tenemos dos modelos tanto pa cultura como p’asturianu:
Equí-vos dexo los archivos en pdf que ye más cenciello pa imprimilos y tal.
En faciendo toes estes xeres tan prestoses, vamos evaluar l’actividá global con un Kahoot, pero enantes del Kahoot, vamos xugar un pocoñín con esti xuegu:
Pica nesti Genially y vas ver lo bien que lo vas pasar.
Y agora si, pa rematar facemos el Kahoot que-yos presta pola vida!!
Espero que-vos presten estes xeres y que les uséis y esfrutéis con elles como nosotrxs!
Un saludu candial,
Alba.
Equí-vos pego’l Kahoot que ficimos pa evaluar les xeres de la selmana al rodiu de Nel Amaro. Ta más bien empobináu al escolináu de cuartu, quintu y sestu. Quiciabes a la xentiquina de terceru tamién-yos lu podemos poner. Pero pa les piquiñines de primeru y segundu vamos tener que facer dalguna otra cosa más cenciella!
Asina qu’a xugar! Nun escaezcais poner el nome!!
Un saludu Candial.
Alba.
Bono! Pues yá tamos preparaes pa trabayar esta selmana tan importante pal escolináu y profesoráu d’asturianu. Lo primero que vamos facer ye faceyos una pequeña presentación sobre Nel Amaro, pa depués trabayar un poco sobre esti autor asturianu, figura indispensable na nuesa lliteratura y pa la nuesa Llingua y cultura.
Y equí dexámosvos les fiches de trabayu:
Espero que-vos preste y, sobremanera, que-yos preste a ellos y elles!
Un saludu candial!!
Pues esti cursu ente andancios y demás hestories que-nos toquen vivir, tamos intentando da-y un poco de puxu al asturianu nel CP Campoamor de Xixón.
Esta selmana tamos centraos y centraes nel Samhaín. Pa ello vamos trabayar de la siguiente manera según el ciclu.
Nel primer ciclu:
Lo primero que vamos facer ye ver el capítulu de Los Bolechas nel que celebren esta fiesta:
En viéndolo vamos facer unes xeres que tenemos colgaes nel Teams de cada clas, fiches d’entretenimientu adaptaes al nivel del escolináu.
Y pa rematar, vamos xugar faciendo esti Kahoot a ver si tuvimos atentos y atentes al vídeu!
https://kahoot.it/challenge/08328366?challenge-id=7d489c73-4f4e-4e2f-8eaf-91e6f98aa9a5_1603877923720
Agora vamos ver qué vamos facer nel segundu ciclu:
Vamos ver esta presentación que-nos desplica d’ónde vien esta tradición, pa ello tenemos que remontanos a los pueblos celtes…
Depués fadremos tamién delles xeres que tenemos colgaes del Teams, y dalguna como esta sopa lletres:
https://es.educaplay.com/recursos-educativos/7374316-nueche_les_animes.html
Y pa rematar esti pequeñu quiz sobre’l Samhaín!!
Y con estes xeres tan espantibles dexamos esta selmana que tan importante yera pa los nuesos antepasaos.
Un saludu candial!!!
Bono, pues agora sí qu’esto llegó a la fin. Enantes d’acabar esti cursu, quixera pidi-vos un últimu favor tanto a los y les escolines d’asturianu como a les families (ya qu’ensin vosotres … imposible), trátase de que fáigais un pequeñu balance y una evaluación de lo que foi a nivel xeneral l’asignatura de Llingua Asturiana durante esti cursu y durante la cuarentena.
Pa ello prestaríame enforma que ficiéseis esti cuestionariu:
Evaluación Llabor Docente de Llingua Asturiana
Son entrugues de picar o d’escribir mui poco. Y ye anónimo totalmente, asina que nun-vos preocupéis y dicíi la verdá y lo que sintáis realmente. Toles crítiques constructives son bienllegaes y amás mui necesaries.
Espero que tengáis un branu meyor que bono, qu’esfrutéis y compenséis esti encierru y que faléis n’asturianu dalguna vegada!!!
Un placer trabayar con y pa vosotros y vosotres, y milenta gracies pol esfuerzu y l’empeñu que punxisteis nos meses caberos.
Recibíi un abrazu fuerte anque seya na distancia.
Alba.
Bueno, pues al final ente confinamientu, andancios y demás…. el cursu va llegando a la fin. Esta última xera que-vos propongo val pa tolos cursos y ye un poco pa que tengáis una pequeña alcordanza d’esti cursu tan raru y de l’asignatura de llingua, qu’espero que vos prestare anque fuere nestes circunstancies.
Propóngo-vos que faigáis un marcapáxines nel qu’escribais lo que más-vos prestó de la clas d’asturianu d’esti cursu.
Equí tenéis un modelu, pero ya sabéis que podéis facelo como más-vos preste. Si lu facéis en cartulina ye meyor por qu’asina va dura-vos más ensin falta de plastificalu (asina somos un pocu más ecolóxistes).
En faciéndolu mandáimelu al mio corréu como siempres albasb@educastur.org
En pdf si querési imprimir: Marcapáxines final de cursu
La imaxe por si la queréis copiar:
Un saludu y hasta la selmana qu’entra qu’esa sí que ye la cabera del cursu!!
Pues los escolinos y escolines de sestu, nesta ocasión vais esfrutar d’un pasapallabra col palabreru típicu del branu n’Asturies.
Cuando lu acabéis vais mandame al mio corréu albasb@educastur.org: la llista de palabres del xuegu y una captura cuando l’acabéis, y una pequeña redacción (máximu 5 llinies) sobre lo que tenéis pensao facer esti branu (N’ASTURIANU!!!!) y na más!!
Fácil y cenciello!!! Espero que-vos preste muncho esti xuegu que lu tenéis pinchando equí.
Un saludu candial pa toes y toos!!!!
Collacios y collacies de quintu, vamos con una de les postreres actividaes del cursu.
Como esta selmana andáis pela capital, Uviéu, en llingua vamos centranos nel arte d’est ciudá, por qu’Uviéu ye’l conceyu con mayor concentración de monumentos del Prerrománicu asturiano.
Pa ello voi dexa-vos esti enllaz nel que podéis consultar tola información d’esti importante patrimoniu. Y esti otru un pocu más específicu pa que-vos averéis un pocu más a esti arte. Pa ello, sólo tenéis que picar en «monumentos» y escoyer del que necesitéis tener un pocu información. Y, depués d’echa-y una güeyada a estes dos webs, vamos facer esti test.
Cuando acabéis, mandáisme una capturina del resultáu y vais escoyer una de les construcciones del prerrománicu d’Uviéu y describímela cuntándome lo más importante de la mesma.
Mandáismelo too xunto al mio corréu como siempres facemos: albasb@educastur.org
Vamos que nun-nos queda na!!!!
Bueno, escolinos y escolines de cuartu. Vamos entrar en xunu faciendo un repasín percenciellu de parte del palabreru que fuimos viendo nestos meses.
N’acabando mandáisme captura como siempres al mio corréu albasb@educastur.org y si vos piden datos pa facer el crucigrama ponéi’l nome y el cursu, val?
Pues na más!! Vamos qu’esto ta chupao!
Cosiquines de Mayestra 