Esta selmana, tenéis nesti PDF tola información sobre la xera d’asturianu que-vos llegará tamién pel mail a través de los y les tutores.
Yo cuélgolo equí por si dalguién quier dir buscando la información.
Déxovos tamién la infografía por si nun se ve bien nel documentu:
Ánimu!!!
Esta selmana vamos facer una fichina de repasu de les contraiciones con Per y Por y Too, y un minirepasu del apóstrofu cola preposición «en».
Pa ello vais entrar equí y vais facer la ficha escribiendo les vueses rempuestes nos cuadrinos. Cuando acabéis, dais a «terminado» y dais a «enviar al profesor» y escribís los datos que-vos piden (con que pongáis el nome y’l cursu ye de sobra) y nos datos de la profe ponéis «albasb@educastur.org» pa que me llegue.
Depués si queréis podéis comprobar los fallos que tuvisteis!! Suerte!!! A ver si me sorprendéis y lo tenéis too perfeuto!! Ánimu!!
Mui bones!! Esta selmanina vamos repasar un poco el llibru pa quienes ya m’entregasteis el trabayu del Barriu si-vos aburrís podéis facer estes actividaes de repasu del tema 3 que ya lu vimos en clas, asina que ya veréis que fáciles van ser.
Vamos facer lo siguiente:
1.- Entramos Equí
2.- Ponemos l’usuariu y contraseña:
Usuariu: cuarentena Contraseña: cuarentenallinguaasturiana
3.- Picamos en el nuesu llibru (Esguil 3, el de color verde). Y vamos al tema 3, son 12 actividaes, paecen munches, pero tenéis tola selmana pa faceles y son voluntaries. Alcordáivos de poner l’audiu y escuchái’l cantar y’l cuentu.
4.- Depués mandaisme dalguna captura de les actividaes y cuntáisme qué tal vos salieron al mio corréu: albasb@educastur.org
Y na más! La selmana que vien más y meyor!!!
Mui bones!! Esta selmanina vamos repasar un poco el llibru que lu tenemos medio escaecíu. Asina que vamos facer les actividaes de la unidá 2, ya ficimos munches en clas, asina que ya veréis que fáciles van ser.
Vamos facer lo siguiente:
1.- Entramos Equí
2.- Ponemos l’usuariu y contraseña:
Usuariu: cuarentena Contraseña: cuarentenallinguaasturiana
3.- Picamos en el nuesu llibru (Pitín 2, el de color azul). Son 5 actividaes na más. Alcordáivos de poner l’audiu por que vos lo van desplicando pa que seya más cenciello. Y escuchái’l cuentu «Les vacaciones de Xana».
4.- Depués mandaisme dalguna captura de les actividaes y cuntáisme qué tal vos salieron al mio corréu: albasb@educastur.org
Y na más! La selmana que vien más y meyor!!!
Mui bones!! Esta selmanina vamos repasar un poco el llibru que lu tenemos medio escaecíu. Asina que vamos facer les actividaes de la unidá 2, ya ficimos munches en clas, asina que ya veréis que fáciles van ser.
Vamos facer lo siguiente:
1.- Entramos Equí
2.- Ponemos l’usuariu y contraseña:
Usuariu: cuarentena Contraseña: cuarentenallinguaasturiana
3.- Picamos en el nuesu llibru (Pitín 1, el de color rosa). Son 5 actividaes na más. Alcordáivos de poner l’audiu por que vos lo van desplicando pa que seya más cenciello. Y escuchái’l cantar y’l cuentu.
4.- Depués mandaisme dalguna captura de les actividaes y cuntáisme qué tal vos salieron al mio corréu: albasb@educastur.org
Y na más! La selmana que vien más y meyor!!!
Bueno, equí vamos cola xera d’asturianu d’una selmana más. Vamos dir por partes… anque barrunto que ya sabéis muncho de Picos d’Europa.
Lo primero que vamos facer ye sintir esti cantar de Llan de Cubel que se llama «Cabraliega«:
Equí tenéis la lletra pa echa-vos un gabitu
¿Ya la cantasteis unes cuantes vegaes? Val, pues entós podemos dir al siguiente pasu: Vamos xugar a un Kahoot alrodiu de los Picos d’Europa y del cantar de Cabraliega. Pa ello voi dexavos l’enllaz al xuegu y tenéi en cuenta que na más podéis xugar fasta’l miércoles 20 de mayu a les 12:00 la mañana. Ponéi el nome y el cursu y ya vos diré quién ganó!!
Equí tenéis el Kahoot SUERTE! Si queréis pueden ayuda-vos en casa, anque na más que tenéis 20 segundos pa responder, asina que tenéis qu’entainar.
Y pa rematar, vamos facer esta actividá: tenéislo desplicao nel siguiente pdf. Escoyéis una de les 4 actividaes eh, nun fai falta faceles toes!! Con una ye de sobra. Cuando lo terminéis mandáismelo al correú albasb@educastur.org como siempres.
Ánimu!!!
Esta selmana l’escolináu de quintu y sestu compartís xera ya que tais nel mesmu proyeutu: La Ciudá de Xixón, asina que vamos facer la siguiente xera n’asturianu: vamos investigar na web de turismu del Ayuntamientu de Xixón p’alcontrar les entrugues que-vos pongo nel documentu (tenéis toles indicaciones por si acasu vos perdéis, y pa cualquier dulda ya sabéis que podéis mandame un mail)
En cuantes lo tengáis, mandáismelo al mail albasb@educastur.org, como facemos siempres.
Ánimu y tomáilo con calma que tenéis tiempu pa facelo.
Un abrazu!!
Esta selmana, collacios y collacies de cuartu vamos con un cantar!! Nun mos gusten les lenteyes de Pop Piquiñín, dexuru que lu conocéis, y si non… pues agora ya sí!.
Asina que lo primero que vamos facer ye sintilu!! Pa ello déxo-vos l’enllaz del vídeu nel youtube, equí lu tenéis (va sotituláu, asina ye más fácil pescanciar lo que quier dicir)
Agora que ya lu escuchasteis unes cuantes vegaes y lu baillasteis y, quiciabes, lu cantasteis, vamos col quiz a ver les qu’aldovináis:
Y agora, na más que tenéis que mandame al corréu albasb@educastur.org el pequeñu trabayín que-vos propongo na última páxina del quiz, si acertáis sabréis en qué consiste!!
Suerte y espero que-vos preste esta actividá!!
Bueno collacios y collacies de terceru, esta selmana tais faciendo delles actividaes rellacionaes col vuesu barriu. Como ya sabéis que nun soi d’ehí, si non que vivo’n Xixón, anímo-vos a que m’enseñéis el vuesu barriu y asina deprendo un pocoñín más! ¿Qué vos paez? Pa ello voi proponevos 2 xeres mui prestoses:
1.- Facer un folletu del vuesu barriu onde me despliquéis les coses más importantes del mesmu. Equí vos dexo una semeya de cómo podría ser esi folletu, anque ya sabéis que lo podéis facer como-vos petezca.
Tamién-vos dexo equí’l pdf por si queréis imprimilo:
La primer xera entós quedó clara, ¿non?
Pues vamos cola segunda, a ver si vos atrevéis:
2.- Grabáis un audiu o un vídeu si lo preferís, como queráis, cuntándome un poco del barriu y por qué vos presta tanto vivir n’él. (Nun fai falta que seya mui llargu, con un minutín ye de sobra, pero eso sí, alcordáivos de falar n’asturianu!!)
¿Qué-vos paez la xera d’esta selmana? Espero que-vos preste muncho facela y ya toi naguando por escuchar esos audios o ver esos vídeos.
Cuando tengáis el folletu y l’audiu o vídeu, mandáismelo como siempres al mio corréu: albasb@educastur.org, val?
Pues na más de momentu, un abrazu pergrande!!
Vamos coles actividaes selmanales.
Güei entamamos colos piquiñinos y piquiñines, asina que vamos cola propuesta pal escolináu de primeru y segundu.
Trátase d’un xuegu de repasu del palabreru del cuerpu. Enantes d’entrar nel xuegu, mirái un pocu esta imaxe pa que vos alcordéis un poco del palabreru:
Agora que ya repasamos un pocoñin, vamos col xuegu. Equí lu tenéis.
Agora, mandáismes les rempuestes a les entrugues y propóngovos otra xera: ¿dalguna o dalgunu s’atreve a enllenar les partes del cuerpu d’esta neña? Podéis mirar el dibuxu d’enriba eh!!!
Venga, ánimuque dexuru que-vos sal perbien!!!
Cosiquines de Mayestra 