Terceros: Repasu Palabreru Animales

Bono escolináu de terceru! Ya tamos en xunu y con él vienen los repasinos. Nesti casu ye un repasu mui cenciellu del palabreru que vimos alrodiu de los animales (tanto los xabaces como los autóctonos). Asina que vamos facer esta sopa lletres perfácil!! (dex-e-vos los nomes de los animales pa nun ser tan mala, por que son 15 palabres les qu’hai que buscar!!). Alcordái-vos de poner el nome y el cursu si vos lo pide, y si non al acabar mandáisme una captura con toles palabres qu’alcontrásteis (espero que les atopéis toes). Y tamién me vais dicir qué animales nun conocíeis o nun vos alcordábeis y el so nome en castellán.

Ya sabéis, mandáismelo al corréu albasb@educastur.org como siempres.

Vamos qu’esto ta chupao!!

 

Primeros y Segundos: Repasu palabreru de la granxa

Bones collaciosy collacies de primeru y segundu. Güei ya tamos casi na recta final del cursu y vamos entamar los repasinos finales enantes de garrar les vacances que tanta gana tenéis de coyer (y tenemos!!).

Asina que vamos repasar con una sopa lletres interactiva dalgún animal de granxa que vimos durante’l cursu, van ser 10.

Tenéis la sopa lletres pinchado equí.

Cuando la tengáis mandáisme captura (si vos pide’el nome, alcordáivos de poner el nome y el cursu pa ver yo los resultaos) al corréu albasb@educastur.org.

Amás d’eso, facéis un dibuxu de los animales de la sopa lletres que más vos presten y mandáismelu tamién!!

Perfácil pa vosotros y vosotres que sois unos artistes!!

Un saludu candial!!

Quintos – Cuenques Mineres

Buenoooooo, ya va acabando’l cursu y los escolinos y escolines de quintu siguís de viaxe per Asturies, nesti casu tóca-y a les Cuenques Mineres (o La Cuenca, como dicimos normalmente). Como tais perbien informaos/es vamos facer primero un test a ver cuántu sabéis de les Cuenques (sisi, de les dos, la del Caudal y la del Nalón): equí lu tenéis.

Pero caro, eso nun podía ser too. La siguiente xera que vamos facer ye sintir esti cantar mui rellacionáu col tema nel que tamos, ye del grupu Nuberu y llámase Dame Tira. Equí lu tenéis.
En sintiéndola tenéis 3 opciones: o resumímela, o tornala al castellán, o cuntame’l so significáu (nun val poneme una frase).

Y pa rematar vais buscar otros dos cantares que tean rellacionaos cola mina o colos pueblos mineros y que tean n’asturianu (nun-vos esmolzcais por que hai bayura de cantares d’esti tema na nuesa llingua, asina que va ser cenciello).

Cuando lo tengáis too, mandáismelo como siempres al mio corréu albasb@educastur.org y cuntáisme qué tal vos salió el quiz tamién.

Vamos!! Qu’esto ya ta chupao!!

Cuartos: Páxines del diariu de Simón

Pues ya vamos llegando a la recta final del cursu y esta selmana vamos facela más afayadiza con una llectura, ya que la xente de la editorial Pintar Pintar tienen n’abiertu bayura de llibros n’asturianu y en castellán pa lleer de baldre. Asina que vamos siguir estos pasos pa llegar al llibru que vamos lleer que se llama: Páxines del diariu de Simón.

1.- Lo primero que vamos facer ye entrar equí.

2.- Agora onde pon «all» y una flechina mirando p’abaxo, vamos pinchar na flechina y picar en «quedancasa n’asturianu».

3.- Agora ya veis la biblioteca colos llibros n’asturianu, na más que tenéis que buscar el que se llama «Páxines del diariu de Simón» que tien un neñu na portada.

Cuando lu acabéis, vamos facer una reseña del cuentu. Déxovos equí un modelu pero ya sabéis que podéis facelo nuna fueya de la llibreta o como más vos preste:

Equí tenéis la imaxe pa vela:

 

Y equí déxovos el pdf por si queréis imprimilu:

Ilustración del llibru

Cuando lo tengáis fecho mandáismelo como siempres al mio corréu: albasb@educastur.org.

Ánimu que ya nun queda na!!!

Terceros: Villalegre Chefs Junior

Buenes!!!! Vamos cola xera selmanal diseñada pa los terceros dientro del proyeutu nel que tan trabayando: Villalegre Chefs Junior.

La xera que vamos facer alrodiu la comida ye la siguiente:

Primero echamos una güeyada a les infografíes que vos pongo debaxo, una tiene abondos ingredientes y otra tiene tantu verbos que s’empleguen na cocina como dalgún oxetu de cocina. Agora que visteis los ingredientes, tenéis qu’aldovinar  ¿qué dos recetes podemos facer con ellos?. Esa sedría la primer parte de l’actividá,

---

Y agora la segunda parte, la más prestosa: Usar esi palabreru pa facer una de les dos recetes y escribímela, tenéis el modelu debaxo pero ya sabéis que podéis facelo como más vos preste.

Y ya, si tenéis munches ganes, tiempu y en casa tienen abonda paciencia, podéis grabar un vídeo n’asturianu cuntándome la receta que vais facer, los ingredientes que vais emplegar o cocinándola (eso ya sedría BUENÍSIMO). Asina qu’a ver estos chefs de terceru con qué me sorprenden!!

Alcordáivos que lo podéis facer nuna fueya la llibreta o nun foliu como siempre si nun queréis imprimir, n’acabando de facelo mandáismelo al mio corréu ellectrónicu (albasb@educastur.org) pa dir archivando los vuesos trabayos.

Infografía d’alimentos:

Infografía Procesos y oxetos de cocina:

Modelu receta:

Modelu receta pdf:
Villalegre chefs terceru

Vamos xentiquina!! Que nun queda na!!!

Primeros y Segundos: Deva y el pitín

Pues ya vamos llegando a la recta final del cursu y esta selmana vamos facela más afayadiza con una llectura, ya que la xente de la editorial Pintar Pintar tienen n’abiertu bayura de llibros n’asturianu y en castellán pa lleer de baldre. Asina que vamos siguir estos pasos pa llegar al llibru que vamos lleer que se llama: Deva y el pitín.

1.- Lo primero que vamos facer ye entrar equí.

2.- Agora onde pon «all» y una flechina mirando p’abaxo, vamos pinchar na flechina y picar en «quedancasa n’asturianu».

3.- Agora ya veis la biblioteca colos llibros n’asturianu, na más que tenéis que buscar el que se llama «Deva y el pitín» que tien un pitín mariellu na portada, y entamar a lleer.

Cuando lu acabéis, mandáisme un dibuxu que represente la esencia del cuentu, y cuando los tengamos mandámosyoslos a la xente de Pintar Pintar que dexuru que-yos presta ver les vueses creaciones!!

Ánimu!!!

QUINTOS: Caleyando pela Mariña Oriental

Bueno, pues si la selmana pasada andábamos esguilando pelos Picos d’Europa, esti vamos danos unos baños a les Orielles del Cuera y de los Picos, vamos dar una vuelta pela costa Oriental nos conceyos de Ribeseya, Llanes y Ribedeva. Barrunto que ya sabéis munchísimo del tema, asina que vamos entamar suaviquino, con un cantar.

Primero sintímoslu equí y depués ya podemos facer esta pequeña reseña de revisión ya investigación del cantar.

La imaxe sería esta por si queréis facelo a vuestra manera:
.

Y equí tenéis el pdf por si preferís imprimilo o facelo nel mesmu documentu:

revisión d’un cantar – Ribeseyana

Pa ello vais entrar equí p’alcontrar la información que necesitéis buscar. Esa ye la web que vamos usar pa buscar tola información nestes xeres d’esti tema. Asina que n’acabando esa (que ye mui fácil pa vosotros y vosotres) vais facer esta otra buscando nel mesmu sitiu. Si ponéis nel buscador d’esa web el nome de los conceyos n’asturianos, va salivos tola información dafechu.

Equí la semeya:

Equí’l pdf:

Caleyando pela mariña oriental d’asturies

Pero nun acabamos entovía jejejejej La actividá cabera ye grabar un audiu o un vídeu convenciéndome pa que vaya a dalgunu d’esos tres conceyos orientales, asina que ya sabéis!! Toi naguando por vevos o sintivos!!! Asina que nun tardéis!!

Cuando lo tengáis too (la reseña del cantar, el caleyando pelos conceyos y l’audiu o’l vídeu) mandáismelo como siempres al mio corréu albasb@educastur.org

La xente de quintu nun apara!!!!

Besinos!

Cuartos: La lleenda de l’Ablanera

Vamos col llabor de los escolinos y escolines de cuartu. Esta selmana tamién va d’un cuentu «La lleenda de l’Ablanera», asina que lo primero que vamos facer ye velu y sintilu pinchando equí.

Recomiéndovos que lu veáis dalguna qu’otra vegada por que asina vais facer muncho meyor esti Kahoot (¡a ver quién gana! Los resultaos van salir el prósimu miércoles día 27 de mayu). Pa xugar tenéis que poner el nome y el cursu (por exemplu: xuan4a) y podéis xugar les vegaes que queráis hasta’l miércoles que vien (yo prefiero que xuguéis na más qu’una vegada, pero si vos presta xugar dalguna vez más nun hai problema ponéis el nome y la vez que ye: xuan4a2).

El Kahoot ta pinchando equí.

Y pa rematar mandáisme un resumen del cuentu de MÍNIMU 5 llínies, que ya sois mui grandes. Fixaivos bien que ya sabéis munchu palabreru, alcordáivos de facelo n’asturianu. Mandáismelo como siempres al corréu albasb@educastur.org y cuntáisme tamién qué vos paeció el cuentu y’l Kahoot, val?

Ánimu y mui bona selmana.

Terceros: L’apuru de Nuberu

¿Qué tal va la selmana pa los escolines y escolines de terceru? Espero que mui bien!!
Vamos cola xera selmanal, que va ser alrodiu d’un cuentu: L’aputu de Nuberu.

Primero vamos sintir y ver el cuentu pinchando nesti enllaz.

Agora vamos facer esti Kahoot que va tar abiertu hastal 27 de mayu: tenéis que poner e nome y’l cursu porfa, por que si non nun sé de quién ye cada test y’l 27 de mayu veremos a ver quién atendió más al cuentu diciendo los y les ganadores.

Pinchamos equí pa facer el kahoot.

Y pa rematar vamos facer una fichina siguiendo les indicaciones de la siguiente infografía:

Asina qu’espero les vuestres rempuestes nel mio corréu albasb@educastur.org como siempres facemos.

Un saludu candial y muncha suerte!!

Primeros y Segundos: EL Mur Poeta

Buenes collacios y collacies de primeru y segundu!!

Güei vamos sintir y ver el cuentu de «El Mur Poeta», pa velu na más que tenéis que pinchar equí.

Una vez que lu sintísteis y lu vísteis una vegada (o les que queráis), vamos facer un pequeñu quiz pa ver qué tal va esa comprensión oral.
Esti prestosu quiz tenémoslu equí.
 
¿Qué tal-vos salió?

Dexuru que bien, agora espero les vueses rempuestes nel mio corréu albasb@educastur.org como siempres, cola xera que-vos indico al final del quiz.

Muncha suerte y munchu ánimu!!!