Primeros y Segundos: Deva y el pitín

Pues ya vamos llegando a la recta final del cursu y esta selmana vamos facela más afayadiza con una llectura, ya que la xente de la editorial Pintar Pintar tienen n’abiertu bayura de llibros n’asturianu y en castellán pa lleer de baldre. Asina que vamos siguir estos pasos pa llegar al llibru que vamos lleer que se llama: Deva y el pitín.

1.- Lo primero que vamos facer ye entrar equí.

2.- Agora onde pon «all» y una flechina mirando p’abaxo, vamos pinchar na flechina y picar en «quedancasa n’asturianu».

3.- Agora ya veis la biblioteca colos llibros n’asturianu, na más que tenéis que buscar el que se llama «Deva y el pitín» que tien un pitín mariellu na portada, y entamar a lleer.

Cuando lu acabéis, mandáisme un dibuxu que represente la esencia del cuentu, y cuando los tengamos mandámosyoslos a la xente de Pintar Pintar que dexuru que-yos presta ver les vueses creaciones!!

Ánimu!!!

QUINTOS: Caleyando pela Mariña Oriental

Bueno, pues si la selmana pasada andábamos esguilando pelos Picos d’Europa, esti vamos danos unos baños a les Orielles del Cuera y de los Picos, vamos dar una vuelta pela costa Oriental nos conceyos de Ribeseya, Llanes y Ribedeva. Barrunto que ya sabéis munchísimo del tema, asina que vamos entamar suaviquino, con un cantar.

Primero sintímoslu equí y depués ya podemos facer esta pequeña reseña de revisión ya investigación del cantar.

La imaxe sería esta por si queréis facelo a vuestra manera:
.

Y equí tenéis el pdf por si preferís imprimilo o facelo nel mesmu documentu:

revisión d’un cantar – Ribeseyana

Pa ello vais entrar equí p’alcontrar la información que necesitéis buscar. Esa ye la web que vamos usar pa buscar tola información nestes xeres d’esti tema. Asina que n’acabando esa (que ye mui fácil pa vosotros y vosotres) vais facer esta otra buscando nel mesmu sitiu. Si ponéis nel buscador d’esa web el nome de los conceyos n’asturianos, va salivos tola información dafechu.

Equí la semeya:

Equí’l pdf:

Caleyando pela mariña oriental d’asturies

Pero nun acabamos entovía jejejejej La actividá cabera ye grabar un audiu o un vídeu convenciéndome pa que vaya a dalgunu d’esos tres conceyos orientales, asina que ya sabéis!! Toi naguando por vevos o sintivos!!! Asina que nun tardéis!!

Cuando lo tengáis too (la reseña del cantar, el caleyando pelos conceyos y l’audiu o’l vídeu) mandáismelo como siempres al mio corréu albasb@educastur.org

La xente de quintu nun apara!!!!

Besinos!

Cuartos: La lleenda de l’Ablanera

Vamos col llabor de los escolinos y escolines de cuartu. Esta selmana tamién va d’un cuentu «La lleenda de l’Ablanera», asina que lo primero que vamos facer ye velu y sintilu pinchando equí.

Recomiéndovos que lu veáis dalguna qu’otra vegada por que asina vais facer muncho meyor esti Kahoot (¡a ver quién gana! Los resultaos van salir el prósimu miércoles día 27 de mayu). Pa xugar tenéis que poner el nome y el cursu (por exemplu: xuan4a) y podéis xugar les vegaes que queráis hasta’l miércoles que vien (yo prefiero que xuguéis na más qu’una vegada, pero si vos presta xugar dalguna vez más nun hai problema ponéis el nome y la vez que ye: xuan4a2).

El Kahoot ta pinchando equí.

Y pa rematar mandáisme un resumen del cuentu de MÍNIMU 5 llínies, que ya sois mui grandes. Fixaivos bien que ya sabéis munchu palabreru, alcordáivos de facelo n’asturianu. Mandáismelo como siempres al corréu albasb@educastur.org y cuntáisme tamién qué vos paeció el cuentu y’l Kahoot, val?

Ánimu y mui bona selmana.

Terceros: L’apuru de Nuberu

¿Qué tal va la selmana pa los escolines y escolines de terceru? Espero que mui bien!!
Vamos cola xera selmanal, que va ser alrodiu d’un cuentu: L’aputu de Nuberu.

Primero vamos sintir y ver el cuentu pinchando nesti enllaz.

Agora vamos facer esti Kahoot que va tar abiertu hastal 27 de mayu: tenéis que poner e nome y’l cursu porfa, por que si non nun sé de quién ye cada test y’l 27 de mayu veremos a ver quién atendió más al cuentu diciendo los y les ganadores.

Pinchamos equí pa facer el kahoot.

Y pa rematar vamos facer una fichina siguiendo les indicaciones de la siguiente infografía:

Asina qu’espero les vuestres rempuestes nel mio corréu albasb@educastur.org como siempres facemos.

Un saludu candial y muncha suerte!!

Primeros y Segundos: EL Mur Poeta

Buenes collacios y collacies de primeru y segundu!!

Güei vamos sintir y ver el cuentu de «El Mur Poeta», pa velu na más que tenéis que pinchar equí.

Una vez que lu sintísteis y lu vísteis una vegada (o les que queráis), vamos facer un pequeñu quiz pa ver qué tal va esa comprensión oral.
Esti prestosu quiz tenémoslu equí.
 
¿Qué tal-vos salió?

Dexuru que bien, agora espero les vueses rempuestes nel mio corréu albasb@educastur.org como siempres, cola xera que-vos indico al final del quiz.

Muncha suerte y munchu ánimu!!!
 

Sestos: La Xunión Europea y los Pueblos Celtes

Esta selmana, tenéis nesti PDF tola información sobre la xera d’asturianu que-vos llegará tamién pel mail a través de los y les tutores.

Yo cuélgolo equí por si dalguién quier dir buscando la información.

Sestos Europa

Déxovos tamién la infografía por si nun se ve bien nel documentu:

Ánimu!!!

Cuartos: Repasu de les contraiciones y l’apostrofación

Esta selmana vamos facer una fichina de repasu de les contraiciones con Per y Por y Too, y un minirepasu del apóstrofu cola preposición «en».

Pa ello vais entrar equí y vais facer la ficha escribiendo les vueses rempuestes nos cuadrinos. Cuando acabéis, dais a «terminado» y dais a «enviar al profesor» y escribís los datos que-vos piden (con que pongáis el nome y’l cursu ye de sobra) y nos datos de la profe ponéis «albasb@educastur.org» pa que me llegue.

Depués si queréis podéis comprobar los fallos que tuvisteis!! Suerte!!! A ver si me sorprendéis y lo tenéis too perfeuto!! Ánimu!!

Terceros: Repasu Esguil 3

Mui bones!! Esta selmanina vamos repasar un poco el llibru pa quienes ya m’entregasteis el trabayu del Barriu si-vos aburrís podéis facer estes actividaes de repasu del tema 3 que ya lu vimos en clas, asina que ya veréis que fáciles van ser.

Vamos facer lo siguiente:

1.- Entramos Equí

2.- Ponemos l’usuariu y contraseña:

Usuariu: cuarentena           Contraseña: cuarentenallinguaasturiana

3.- Picamos en el nuesu llibru (Esguil 3, el de color verde). Y vamos al tema 3, son 12 actividaes, paecen munches, pero tenéis tola selmana pa faceles y son voluntaries. Alcordáivos de poner l’audiu y escuchái’l cantar y’l cuentu.

4.- Depués mandaisme dalguna captura de les actividaes y cuntáisme qué tal vos salieron al mio corréu: albasb@educastur.org

Y na más! La selmana que vien más y meyor!!!

Segundos: Repasu Pitín 2

Mui bones!! Esta selmanina vamos repasar un poco el llibru que lu tenemos medio escaecíu. Asina que vamos facer les actividaes de la unidá 2, ya ficimos munches en clas, asina que ya veréis que fáciles van ser.

Vamos facer lo siguiente:

1.- Entramos Equí

2.- Ponemos l’usuariu y contraseña:

Usuariu: cuarentena           Contraseña: cuarentenallinguaasturiana

3.- Picamos en el nuesu llibru (Pitín 2, el de color azul). Son 5 actividaes na más. Alcordáivos de poner l’audiu por que vos lo van desplicando pa que seya más cenciello. Y escuchái’l cuentu «Les vacaciones de Xana».

4.- Depués mandaisme dalguna captura de les actividaes y cuntáisme qué tal vos salieron al mio corréu: albasb@educastur.org

Y na más! La selmana que vien más y meyor!!!

Primeros: Repasu Pitín 1

Mui bones!! Esta selmanina vamos repasar un poco el llibru que lu tenemos medio escaecíu. Asina que vamos facer les actividaes de la unidá 2, ya ficimos munches en clas, asina que ya veréis que fáciles van ser.

Vamos facer lo siguiente:

1.- Entramos Equí

2.- Ponemos l’usuariu y contraseña:

Usuariu: cuarentena           Contraseña: cuarentenallinguaasturiana

3.- Picamos en el nuesu llibru (Pitín 1, el de color rosa). Son 5 actividaes na más. Alcordáivos de poner l’audiu por que vos lo van desplicando pa que seya más cenciello. Y escuchái’l cantar y’l cuentu.

4.- Depués mandaisme dalguna captura de les actividaes y cuntáisme qué tal vos salieron al mio corréu: albasb@educastur.org

Y na más! La selmana que vien más y meyor!!!