Evaluación Llabor docente

Bono, pues agora sí qu’esto llegó a la fin. Enantes d’acabar esti cursu, quixera pidi-vos un últimu favor tanto a los y les escolines d’asturianu como a les families (ya qu’ensin vosotres … imposible), trátase de que fáigais un pequeñu balance y una evaluación de lo que foi a nivel xeneral l’asignatura de Llingua Asturiana durante esti cursu y durante la cuarentena.

Pa ello prestaríame enforma que ficiéseis esti cuestionariu:

Evaluación Llabor Docente de Llingua Asturiana

Son entrugues de picar o d’escribir mui poco. Y ye anónimo totalmente, asina que nun-vos preocupéis y dicíi la verdá y lo que sintáis realmente. Toles crítiques constructives son bienllegaes y amás mui necesaries.

Espero que tengáis un branu meyor que bono, qu’esfrutéis y compenséis esti encierru y que faléis n’asturianu dalguna vegada!!!

Un placer trabayar con y pa vosotros y vosotres, y milenta gracies pol esfuerzu y l’empeñu que punxisteis nos meses caberos.

Recibíi un abrazu fuerte anque seya na distancia.

Alba.

Actividá multinivel

Bueno, pues al final ente confinamientu, andancios y demás…. el cursu va llegando a la fin. Esta última xera que-vos propongo val pa tolos cursos y ye un poco pa que tengáis una pequeña alcordanza d’esti cursu tan raru y de l’asignatura de llingua, qu’espero que vos prestare anque fuere nestes circunstancies.
Propóngo-vos que faigáis un marcapáxines nel qu’escribais lo que más-vos prestó de la clas d’asturianu d’esti cursu.

Equí tenéis un modelu, pero ya sabéis que podéis facelo como más-vos preste. Si lu facéis en cartulina ye meyor por qu’asina va dura-vos más ensin falta de plastificalu (asina somos un pocu más ecolóxistes).

En faciéndolu mandáimelu al mio corréu como siempres albasb@educastur.org

En pdf si querési imprimir: Marcapáxines final de cursu

La imaxe por si la queréis copiar:

Un saludu y hasta la selmana qu’entra qu’esa sí que ye la cabera del cursu!!

Sestos: Palabreru del branu

Pues los escolinos y escolines de sestu, nesta ocasión vais esfrutar d’un pasapallabra col palabreru típicu del branu n’Asturies.

Cuando lu acabéis vais mandame al mio corréu albasb@educastur.org: la llista de palabres del xuegu y una captura cuando l’acabéis, y una pequeña redacción (máximu 5 llinies) sobre lo que tenéis pensao facer esti branu (N’ASTURIANU!!!!) y na más!!

Fácil y cenciello!!! Espero que-vos preste muncho esti xuegu que lu tenéis pinchando equí.

Un saludu candial pa toes y toos!!!!

Quintos: Uviéu, el Prerrománicu Asturiano

Collacios y collacies de quintu, vamos con una de les postreres actividaes del cursu.

Como esta selmana andáis pela capital, Uviéu, en llingua vamos centranos nel arte d’est ciudá, por qu’Uviéu ye’l conceyu con mayor concentración de monumentos del Prerrománicu asturiano.

Pa ello voi dexa-vos esti enllaz nel que podéis consultar tola información d’esti importante patrimoniu. Y esti otru un pocu más específicu pa que-vos averéis un pocu más a esti arte. Pa ello, sólo tenéis que picar en «monumentos» y escoyer del que necesitéis tener un pocu información. Y, depués d’echa-y una güeyada a estes dos webs, vamos facer esti test.

Cuando acabéis, mandáisme una capturina del resultáu y vais escoyer una de les construcciones del prerrománicu d’Uviéu y describímela cuntándome lo más importante de la mesma.

Mandáismelo too xunto al mio corréu como siempres facemos: albasb@educastur.org

Vamos que nun-nos queda na!!!!

Cuarto: repasu xeneral de palabreru

Bueno, escolinos y escolines de cuartu. Vamos entrar en xunu faciendo un repasín percenciellu de parte del palabreru que fuimos viendo nestos meses.

Equí lu tenéis. 

N’acabando mandáisme captura como siempres al mio corréu albasb@educastur.org y si vos piden datos pa facer el crucigrama ponéi’l nome y el cursu, val?

Pues na más!! Vamos qu’esto ta chupao!

Terceros: Repasu Palabreru Animales

Bono escolináu de terceru! Ya tamos en xunu y con él vienen los repasinos. Nesti casu ye un repasu mui cenciellu del palabreru que vimos alrodiu de los animales (tanto los xabaces como los autóctonos). Asina que vamos facer esta sopa lletres perfácil!! (dex-e-vos los nomes de los animales pa nun ser tan mala, por que son 15 palabres les qu’hai que buscar!!). Alcordái-vos de poner el nome y el cursu si vos lo pide, y si non al acabar mandáisme una captura con toles palabres qu’alcontrásteis (espero que les atopéis toes). Y tamién me vais dicir qué animales nun conocíeis o nun vos alcordábeis y el so nome en castellán.

Ya sabéis, mandáismelo al corréu albasb@educastur.org como siempres.

Vamos qu’esto ta chupao!!

 

Primeros y Segundos: Repasu palabreru de la granxa

Bones collaciosy collacies de primeru y segundu. Güei ya tamos casi na recta final del cursu y vamos entamar los repasinos finales enantes de garrar les vacances que tanta gana tenéis de coyer (y tenemos!!).

Asina que vamos repasar con una sopa lletres interactiva dalgún animal de granxa que vimos durante’l cursu, van ser 10.

Tenéis la sopa lletres pinchado equí.

Cuando la tengáis mandáisme captura (si vos pide’el nome, alcordáivos de poner el nome y el cursu pa ver yo los resultaos) al corréu albasb@educastur.org.

Amás d’eso, facéis un dibuxu de los animales de la sopa lletres que más vos presten y mandáismelu tamién!!

Perfácil pa vosotros y vosotres que sois unos artistes!!

Un saludu candial!!

Quintos – Cuenques Mineres

Buenoooooo, ya va acabando’l cursu y los escolinos y escolines de quintu siguís de viaxe per Asturies, nesti casu tóca-y a les Cuenques Mineres (o La Cuenca, como dicimos normalmente). Como tais perbien informaos/es vamos facer primero un test a ver cuántu sabéis de les Cuenques (sisi, de les dos, la del Caudal y la del Nalón): equí lu tenéis.

Pero caro, eso nun podía ser too. La siguiente xera que vamos facer ye sintir esti cantar mui rellacionáu col tema nel que tamos, ye del grupu Nuberu y llámase Dame Tira. Equí lu tenéis.
En sintiéndola tenéis 3 opciones: o resumímela, o tornala al castellán, o cuntame’l so significáu (nun val poneme una frase).

Y pa rematar vais buscar otros dos cantares que tean rellacionaos cola mina o colos pueblos mineros y que tean n’asturianu (nun-vos esmolzcais por que hai bayura de cantares d’esti tema na nuesa llingua, asina que va ser cenciello).

Cuando lo tengáis too, mandáismelo como siempres al mio corréu albasb@educastur.org y cuntáisme qué tal vos salió el quiz tamién.

Vamos!! Qu’esto ya ta chupao!!

Cuartos: Páxines del diariu de Simón

Pues ya vamos llegando a la recta final del cursu y esta selmana vamos facela más afayadiza con una llectura, ya que la xente de la editorial Pintar Pintar tienen n’abiertu bayura de llibros n’asturianu y en castellán pa lleer de baldre. Asina que vamos siguir estos pasos pa llegar al llibru que vamos lleer que se llama: Páxines del diariu de Simón.

1.- Lo primero que vamos facer ye entrar equí.

2.- Agora onde pon «all» y una flechina mirando p’abaxo, vamos pinchar na flechina y picar en «quedancasa n’asturianu».

3.- Agora ya veis la biblioteca colos llibros n’asturianu, na más que tenéis que buscar el que se llama «Páxines del diariu de Simón» que tien un neñu na portada.

Cuando lu acabéis, vamos facer una reseña del cuentu. Déxovos equí un modelu pero ya sabéis que podéis facelo nuna fueya de la llibreta o como más vos preste:

Equí tenéis la imaxe pa vela:

 

Y equí déxovos el pdf por si queréis imprimilu:

Ilustración del llibru

Cuando lo tengáis fecho mandáismelo como siempres al mio corréu: albasb@educastur.org.

Ánimu que ya nun queda na!!!

Terceros: Villalegre Chefs Junior

Buenes!!!! Vamos cola xera selmanal diseñada pa los terceros dientro del proyeutu nel que tan trabayando: Villalegre Chefs Junior.

La xera que vamos facer alrodiu la comida ye la siguiente:

Primero echamos una güeyada a les infografíes que vos pongo debaxo, una tiene abondos ingredientes y otra tiene tantu verbos que s’empleguen na cocina como dalgún oxetu de cocina. Agora que visteis los ingredientes, tenéis qu’aldovinar  ¿qué dos recetes podemos facer con ellos?. Esa sedría la primer parte de l’actividá,

---

Y agora la segunda parte, la más prestosa: Usar esi palabreru pa facer una de les dos recetes y escribímela, tenéis el modelu debaxo pero ya sabéis que podéis facelo como más vos preste.

Y ya, si tenéis munches ganes, tiempu y en casa tienen abonda paciencia, podéis grabar un vídeo n’asturianu cuntándome la receta que vais facer, los ingredientes que vais emplegar o cocinándola (eso ya sedría BUENÍSIMO). Asina qu’a ver estos chefs de terceru con qué me sorprenden!!

Alcordáivos que lo podéis facer nuna fueya la llibreta o nun foliu como siempre si nun queréis imprimir, n’acabando de facelo mandáismelo al mio corréu ellectrónicu (albasb@educastur.org) pa dir archivando los vuesos trabayos.

Infografía d’alimentos:

Infografía Procesos y oxetos de cocina:

Modelu receta:

Modelu receta pdf:
Villalegre chefs terceru

Vamos xentiquina!! Que nun queda na!!!